写意

生活何尝写意每个人都想
虽然简单但系就唔係个个人都做到
其实 生活写意真係可以好简单
对我嚟讲 就係钟意去边度就去边度
完全唔洗睇时间 唔洗等人 无需太多顾虑

得闲一个人行大型CD铺
可以成朝早喺度听歌捡CD
又或者可以去书铺睇书
喺书店因为啲书味会令我特别想阅读
但系买翻去睇到张床就另当别论 ....

摞住相机四围咁影相
累咗可以去星巴克饮翻杯caramel machiato
睇睇出面啲人喺度忙紧啲咩嘢
又或者可以睇翻场单托电影
钟意睇边场睇几点都得
最后去食翻餐日本料理

所以我嘅写意唔洗好多钱
最紧要就係舒服
You got what you give 其实一啲都冇错
好多有钱人其实都未必或者经常可以咁写意

又见牛一

唔知唔觉 又到一年一度嘅牛一
其实除咗每年同老妈子一齐过
自己都劲少出去庆祝
可能由细就冇birthday party呢种习惯
所以 生日无形中就变得唔系几咁重要
虽然係咁话 但系收到礼物个种滋味
都几开心嘎 尤其是係自己钟意嘅嘢

係今年我 都收到咗好多礼物
相信唯有一个人会一直咁俾我呢啲感动
好多谢佢一路以来嘅关心及支持

摄毒

摄影真系一种深深吸引人嘅毒品
而各式各款嘅镜头 普罗大众
睇你点用又或者想影啲咩嘢
有时候 唔好得闲去研究 究竟样嘢
好唔好 适唔适合 因为无形中
就俾无形嘅吸引力 吸引咗
当然 我哋要过滤 呢种冲动究竟系唔系
一种三分钟热度